INSTITUT XODIMLARI XALQARO MULTIKONFERENSIYADA ISHTIROK ETDI

2026-yil 6–11-iyul kunlari O‘zR FA Genetika va o‘simliklar eksperimental biologiyasi instituti xodimlari I.Dj. Kurbanbayev, N.N. Sanayev, O. Ergashev va A. Mutalov Rossiya Federatsiyasining Novosibirsk shahrida o‘tkazilgan “Bioinformatika, genomlar regulyatsiyasi va tuzilishi hamda tizimli biologiya” mavzusidagi XV xalqaro multikonferensiyada ishtirok etdilar.

Anjumanda I.Dj. Kurbanbayev O‘zbekiston soya germoplazmasining SSR markerlari asosidagi genetik xilma-xilligi va morfologik-biokimyoviy xususiyatlariga bag‘ishlangan ma’ruza bilan qatnashdi.

Xizmat safari davomida Rossiya Fanlar akademiyasi Sibir bo‘limining Sitologiya va genetika instituti direktori, akademik A.V. Kochetov bilan uchrashuv o‘tkazildi. Muzokaralar yakunida ikki institut o‘rtasida ilmiy hamkorlikni rivojlantirishga qaratilgan o‘zaro anglashuv memorandumi imzolandi.